Carreira de orientación e xogos populares

No último día de clase, os nenos/as, mestres e pais/nais, acudimos ó campo de San Pedro para celebrar a festa de fin de curso.

Cando chegou o turno dos xogos, os pequenos tiveron a ocasión de disfrutar de diferentes xogos populares, e os maiores fixeron unha carreira de orientación con mapas e brúxulas que os levaban a atopar un suculento tesouro.

Como as imaxes valen máis que mil palabras, aquí vos queda unha mostra.

Con esta entrada, damos por finalizado este curso no noso blog, que no curso 16/17 trataremos de ir mellorando e completando. Esperamos que fose do voso agrado. 

Un saúdo a todos/as e moi felices vacacións.

Ata pronto!

Xogos populares

Carreira de Orientación

Gladiadores de Corcubión

Na última sesión debido a que o tempo non acompaña para saír fóra, estivemos facendo unhas probas de habilidade, velocidade e forza para demostrar que somos uns auténticos gladiadores.
A verdade é que estamos máis preparados do esperado e incluso é posible que nos chamen para as vindeiras Olimpiadas.

Xogos no patio e na natureza (Ultimate)

Debido á tregua que nos deu o tempo na semana pasada, algúns cursos aproveitamos para facer unha saída a praia e practicar "o ultimate". Trátase dun deporte en equipo no que se utiliza un freesbe, e no que para puntuar, debes atravesar a línea contraria cun pase que intercepte un dos teus compañeiros. A continuación podemos ver algún exemplo.

 A ver que tal o fixeron...

Pádbol

Deporte alternativo, que toma como referencia o pádel e o fútbol para crear unha nova modalidade na que temos que usar o pé para pasar o balón ó outro campo. Pódese usar a parede como apoio e o balón só pode dar un bote no noso campo antes de pasala.

Neste video, podemos observar a grandes rasgos (ja,ja) a dinámica do xogo: